（朗讀者近照）

阿芳的燈 來自上海老底子 00:00 10:52

交關年數以前，我上下班一日三趟來回，儕經過一條安靜個小路，有一日發(fā)現路邊多了只小小水果攤，攤邊坐勒一個小姑娘，面色蒼白，嘴唇倒有天然個紅潤。伊著一件紅衣裳，像一朵紅云停勒黃個生梨、青個蘋果、黑個荸薺邊頭，有人走過，伊抬起眼睛立起來，靜靜叫個，又是邪氣殷切個期待勒嗨。好像嘸沒啥人會得辜負搿份期待個。

有一日，我勒嘞水果攤前，伊迎上來講：“今朝買眼水果回去?！币谅曇舸植凇〈鸫?，跟伊面孔個清秀勿配。我稱了幾只蘋果，看見伊舉秤個是一雙又粗又大個手，關節(jié)突出，皮膚枯燥，反映了伊日腳個艱辛。伊個面孔是邪氣年輕個，皮膚柔滑、白皙，眼睛真是清澈得來！伊稱好蘋果，用一只計算器算賬，爽快個免脫了我個零頭，搭我拿蘋果裝進拎包。

天黑以后，生意就忙交關了，乃末有個男人來幫忙，男人叫伊阿芳。我猜想迭個男人應該是阿芳個先生。過脫一搶，阿芳懷孕了，我心里由勿得升起一種奇怪個感覺，有眼惋惜，又蠻感動。看看伊拉搿一對，男人結實健壯，女人清秀苗條，又年輕又般配，叫人羨慕。雖然男人做生活嘸沒阿芳爽快，有常時也有眼拎勿清，不過，對人個關心倒也一樣。有一日，伊為了讓我買伊差勿多爛脫一半個香蕉，勒蒙蒙細雨下頭跟出幾十步遠，嘴巴里反復講：“要是儂嘸沒帶鈔票，下趟再撥我也勿要緊個。”

懷孕個阿芳嘴唇嘸沒介紅了，手指甲倒是搨得來血血紅，跟伊粗大個雙手勿配，顯得俗氣，但是我心里倒也勿反感。

我有一趟問伊：“每日天水果是啥人弄來個？”阿芳告訴我：“是我男人。伊下班以后，或者上班以前，到十六鋪去批來個?！痹瓉恚⒎际谴龢I(yè)青年，有了營業(yè)許可證，男人就每天去批水果來，撥阿芳賣。

有一日半夜里，落勒小雨，家家戶戶儕關門熄燈了，我遠遠較看見阿芳還挺勒肚皮，坐勒門口結絨線。我勿想驚動伊，就從小路對面走過去了。

阿芳去養(yǎng)小囡了，水果攤也就收脫了，乃末小路顯得邪氣寂寞冷清。勒嘞一式一樣個上海弄堂里，我再也分勿清阿里一扇門是阿芳水果店個門，當時根本就嘸沒留心過伊個門牌號碼。唉，一只小小個水果攤，又哪能呢？大家老快就習慣了此地嘸沒水果攤了。

我照樣天天從搿搭走過，我對此地已經熟悉得親切而平淡了。只是有一趟，一朵紫紅月季花，落勒我肩胛浪，又跌到我腳邊。我突然想起了阿芳。阿芳做媽媽了，寶寶是兒子還是囡兒？伊大概勿會再擺水果攤了吧。

想勿到有一日傍晚，我真?zhèn)€看見了阿芳。伊還是眼烏珠锃亮，皮膚雪白，著一件紅花罩衫，篤篤悠悠看好一只水果攤。手里白白胖胖個毛頭，嘴唇皮跟伊一樣紅堂堂，叫人一看就歡喜。阿芳還是熱切招呼客人：“買眼水果帶回去吧。”我看見伊無名指浪，多了一枚粗粗大大赤金戒指，發(fā)出沉甸甸個淡淡個光芒。

從此搿搭又有水果攤了，又有了阿芳、阿芳個男人，還添了阿芳個小囡。阿芳每趟進出儕要招呼我買眼物事，或者問我昨日買個水果甜勿甜。盡管我勿可能賒賬，阿芳總歸告訴我，我是可以自由賒賬個。