勒上海人個小吃目錄里向，粢飯糕，好像是只可有可無個品種。

有意思個是，要是儂只考量“可有”，葛末粢飯糕倒也未必軋得進去；不過要是儂只考量“可無”，葛末，粢飯糕又肯定勿會撥拒之門外。迭個就好比儂想組裝部汽車，勒遴選“可有”個部件辰光，發(fā)動機、輪盤、方向盤、剎車……一樣樣過腦，一只也勿好少；但是到剔除“可無”部件個辰光，啥人也勿敢拿平常勿是事體個“雨刮器”省脫——駕駛員儕曉得：嘸沒發(fā)動機開勿了車，嘸沒雨刮器同樣開勿了車，除脫老天爺一年四季勿落雨。

勒今年迭個特殊個春天里，想勿到上海人儕顯露出自家“大師傅”個潛質(zhì)了：“拿只破皮靴燒成功一道菜”，像搿能個各種賣洋，阿拉勿去講伊，曬曬自家攤個面餅、蒸個饅頭、烘?zhèn)€面包、烤個蛋糕，一個個“成就感”儕足以爆棚。結(jié)果問題就像儂曉得個伊能：平常辰光，上海人并勿是家家人家儕有面粉搭仔酵母個，緊急狀態(tài)下頭搶菜，一般也勿會得想起來要去備眼迭個物事。三四十天一過，屋里所有個餅干、蛋糕咾啥儕消耗光，除脫大米飯，啥人還敢講自家屋里“碳水”充盈？

所以，勒朋友圈里向，無論是平常大大咧咧個企業(yè)老總，還是歡喜討價還價個小阿姐，一個個儕勒展示自家個“手作”——“粢飯糕”辰光，我有數(shù)了：凡是屋里拿得出可以弄點饅頭、湯團、蔥油餅、面包個食材，啥人還會得去弄迭個粢飯糕??？實在也真?zhèn)€是出于無奈嘛。

“彈盡糧絕”？葛倒也只是形容形容，再哪能，米飯總歸還是有得吃個。可以肯定，聰明人從來勿會得浪費每一唐危機帶來個機會。呶，粢飯糕，自家做呀！

其實，看到迭個，我心里向是邪氣崩潰個——大家對生活個熱愛，對困難個蔑視，對食材個珍惜、對傳統(tǒng)個堅守，以及對自家個關(guān)懷，我真?zhèn)€是赤仔腳也趕勿上個！

從稻米衍生出來個小吃真是勿勿少少。比如米粉、米糕、米餅之類，但是從米飯衍生出來個小吃實在是勿多，米飯餅、粢飯團、粢飯糕，也就是迭個幾樣。嚴(yán)格來講，米飯餅個主要材料是米粉，粢飯團個主要材料是糯米，真正搭作為日常主食個米飯最貼得牢個點心，只有粢飯糕。

儂根本用勿著去擔(dān)心，自家做粢飯糕，“技術(shù)”會得是掐頭頸個問題，不過粢飯糕基本個衡量水平，還是必須得到尊重個：方方正正個形狀，外脆里嫩個吃口，咸淡適中個滋味，外黃里白個色彩……追求完美個朋友，甚至還要講究粢飯糕個四只角，是否經(jīng)得起直角卡尺來量一量。

有位老同事告訴我，伊用吃剩下來個米飯做粢飯糕。我覺著邪氣正常：粢飯糕本來就是用米飯做個，專門燒一鑊子米飯，搭仔用吃剩有余個米飯，做出來個粢飯糕，并嘸沒啥老大個區(qū)別。關(guān)鍵在于，作為主食個米飯，有個人家燒得爛眼，有個人家燒得硬眼，各人歡喜，勿好勉強。但是要做粢飯糕，忒爛忒硬個，儕勿“稱職”。

照我看來，要清清爽爽呈現(xiàn)出米飯個顆粒感，還要保留米飯恰當(dāng)個黏性，是粢飯糕既勿同于米飯餅，也勿同于粢飯團，更加勿同于米飯個重要特征。表面勿脆、嘸沒咬勁個粢飯糕，賽過用蘇州評彈去唱紹興大班，要勿是尊重糧食，真?zhèn)€恨勿得厾脫；里向軟不臘脫、黏滋疙瘩個粢飯糕，又賽過面疙瘩冒充寧波年糕塊，吃起來一定嘸啥滋味。與其搿能“恨勿得厾脫”“嘸啥滋味”，還勿如去吃一碗飯算了。

抗疫封禁當(dāng)中有得一天，海銀先生搭我展示伊團得來個一家豆制品公司個大禮包，里向有得半成品粢飯糕，“夫子言之，于我心有戚戚焉”，我也千方百計尋到了同一家公司個大禮包，里向竟然根本嘸沒粢飯糕！哼，儂小小一塊粢飯糕，難道還要看清門第、審查出身，再撥人家吃啊？

就搿能，一塊勒平常辰光處于“可無”地位個粢飯糕，邪氣結(jié)棍個撥撩了處于閉環(huán)生活里向個心底欲望。心動勿如行動，我真?zhèn)€勒獲得出門許可個第一時間去尋伊了。盡管第一趟鎩羽而歸，但是我勿罷休，再二再三，有志者，事竟成！

前搶把，“夜光杯”刊出一組以“生活恢復(fù)后要做的事”為主題個文章，假使我來寫，大概邪氣愿意公開自家個一只俗氣但又真實個念頭——去吃塊粢飯糕去！