金陵東路 來自上海言話講起來 00:00 08:47

滬語朗讀：渺渺如胭

原創(chuàng)： 薛理勇

來源：上海交大建筑遺產(chǎn)保護(hù)中心

上海話改寫：郭莉

朗讀：渺渺如胭

“騎樓”是一種建筑樣式名稱，伊是指騎跨勒兩幢房子之間個樓，或者是沿街樓房樓層朝外頭伸出來、蓋牢馬路上街沿個樓。

從前辰光，大家造自家屋里房子，利用樓搭樓之間個空檔建造“騎樓”，騎樓下頭是進(jìn)出住宅個大門。私人住宅勿可能占忒長個街沿，建造樓層外挑個騎樓成本也高，一般也勿會專門去為過路人遮風(fēng)擋雨而建造沿街騎樓，所以，勒上海，大面積個騎樓建筑儕是近代產(chǎn)物。不過，上海人一般儕叫伊“過街樓”。金陵東路是上海騎樓，也就是上海人嘴巴里“過街樓”最有特色個街道，所以，金陵東路也是“風(fēng)貌保護(hù)道路”。

金陵東路勒歷史浪曾經(jīng)是法租界，19世紀(jì)50年代開始修造，因?yàn)榉▏I(lǐng)事館就勒勒搿條路浪，所以伊個中文名字就是“公館馬路”，伊是法租界最大、最主要個馬路。勒伊之前，英租界已經(jīng)有一條“大馬路”就是南京路了，乃末伊又撥上海人叫做“法租界大馬路”、“法大馬路”。

當(dāng)時上海租界主要道路寬度是8到12米，有種道路還有人行道，搿能車行道就更狹窄了。法租界公館馬路鬧猛地段靠近外灘，所以公館馬路東段闊著眼，西段窄著眼。

進(jìn)入20世紀(jì)，上海公共租界、法租界要開通有軌電車。有軌電車車身蠻寬，雙向行駛，馬路要讓出黃包車、馬車咾啥，還要保證行人安全通行，所以必須放寬馬路。乃末20世紀(jì)初，也是上海城市道路大規(guī)模改造時期。

眾所周知，城市一條馬路建成，道路兩側(cè)馬上會開發(fā)成街面房子個商鋪搭仔住宅區(qū)，后期道路要拓寬，勢必就有征用土地搭仔賠償個問題，所以，城市道路改造一般儕是循序漸進(jìn)，慢慢叫來個。當(dāng)時公共租界工部局、法租界公董局參照西方制度，制定了城市道路相關(guān)規(guī)定：首先是拿城市道路劃分為各種等級，規(guī)定勿同等級道路個最低寬度。其中“大路”是城市主要道路，應(yīng)該有“車行道”搭仔“人行道”；劃定了道路紅線，還規(guī)定，為了確保道路暢通，部分嚴(yán)重影響道路暢通個建筑必須及時拆除。對暫時勿影響通行個建筑物，允許暫時存在。但是，將來一旦儂個房子要重建，葛末業(yè)主必須無條件退界，也就是新房子必須退到規(guī)劃紅線以外；退界后，業(yè)主地契浪向土地面積勿減少，勒儂個地契浪注明業(yè)主土地邊界距離房子墻角個距離，以后土地買賣，還是以地契面積計(jì)算；對一眼主要道路商業(yè)街，規(guī)定了人行道寬度，為了減少業(yè)主個損失，保證市政工程及時開工，經(jīng)過有關(guān)方面核準(zhǔn)，允許業(yè)主拿新房子造成“過街樓”，也就是過街樓下面作為城市公共通道個“人行道”。譬如1914年以后建造個南京路先施公司、永安公司，還有上世紀(jì)二十年代造個南京路新康大樓咾啥，儕是搿能情況下頭造出來個。

勒勒商業(yè)街建造“過街樓”，一方面減少了房地產(chǎn)商個損失，城市道路改造建設(shè)可以順利推進(jìn)；另外，過街樓勒勒人行道上頭，可以使商業(yè)街游客有一個遮風(fēng)擋雨個舒適環(huán)境，提升商店信譽(yù)搭仔知名度。乃末法租界就學(xué)公共租界個樣，譬如著名個諾曼底公寓，就是現(xiàn)在叫“武康大樓”個建筑，位于武康路、淮海中路相交形成個尖三角形地塊，面積勿大，要是退讓紅線，搿幢房子大概也嘸沒辦法建造了，現(xiàn)在采取過街樓形式，乃末二層樓以上就增加了勿少面積。

公共租界個迭個辦法撥法租界學(xué)得去了，1926年出版的《上海房地產(chǎn)實(shí)用大全》收了關(guān)于法租界公館馬路建設(shè)個一眼規(guī)定，里向就有任何人勒勒公館馬路沿街拆舊房造新房，必須遵守規(guī)定，退到劃定紅線外頭。還規(guī)定，沿街必須造過街樓，過街樓高度7米，寬3米。從這個規(guī)定阿拉可以曉得，現(xiàn)在金陵東路凡是有過街樓個建筑，一定是1926年以后造個，嘸沒過街樓個建筑，也就一定是比1926年更早個老房子。

有人認(rèn)為，南洋天氣炎熱，陽光強(qiáng)烈，雨水又多，上海金陵東路過街樓是勒勒上海個福建華僑，參照南洋一帶房子特點(diǎn)建造個。迭個講法就有眼自說自話了。此地是法租界，勿是福建華僑可以隨心所欲個地方。我勒法國巴黎住過一搶，曉得巴黎交關(guān)商業(yè)街沿街房子就是過街樓，著名商場“老佛爺”就是搿能個。我毛估估，伊個過街樓高度跟上海金陵東路過街樓也是基本一致個。不過，巴黎過街樓寬度，倒是闊狹勿一致個，勿像金陵東路整齊劃一。我想，上海法租界公館馬路個過街樓，一定是仿效巴黎過街樓個結(jié)果。

就像動物個生命一樣，任何建筑物也儕是有設(shè)計(jì)規(guī)定好個使用年限個，現(xiàn)在上海絕大多數(shù)老房子，儕已經(jīng)遠(yuǎn)遠(yuǎn)超過了設(shè)計(jì)個使用年限，進(jìn)入老年、暮年、耄耋之年了?，F(xiàn)在阿拉應(yīng)該哪能保護(hù)老房子，保護(hù)人民生命財產(chǎn)安全，是應(yīng)該提到更高維度來認(rèn)識個了。