老早點黃浦江浪擺渡儕靠小舢板個。搿種舢板人工搖櫓，只好乘三四個人。我屋里住垃浦東，工作垃浦西，天天擺渡過江，渡口是南碼頭。

　　埃個辰光，大輪船開過，小舢板一吃浪頭，顛上顛下，還要打轉(zhuǎn)。乘垃上頭個人硬勁抓牢船幫，心儕吊拉海，生怕船翻脫。后頭來，木頭小船淘汰了，有了鐵殼渡輪，外加越造越大，越造越好，擺渡嘸沒危險了。不過隨著城區(qū)建設居民大批朝浦東搬，上下班高峰辰光擺個渡，變成一樁苦惱事體了。我就是垃埃個辰光開始軋擺渡個。每天早浪向踏腳踏車上班，一到擺渡口，就神經(jīng)抽緊。等候擺渡個人老早滿出輪渡站，遠遠叫望過去，大人小人腳踏車黃魚車橫七豎八亂糟糟。來一只渡船，人群朝前頭移一點?？倸w要等四五班船再好軋進候船室。接下來垃通到碼頭個鐵條棧橋浪向，還要拼命朝前沖，稍微木一點，就會關(guān)進鐵欄門里向。輪船脫班，看過去只只尷尬面孔。上班辰光，啥人勿急？乃末，船浪個朋友幫忙再動一動，軋出空間來，讓船下個人上船。

　　囡兒小辰光讀書，是我腳踏車蕩來蕩去擺渡過江個。記得伊讀三年級搿年，一日子，軋煞軋死總算上船。嘸沒想到船剛剛開出去，碰著拖輪船隊。長長一串過脫，又來一串，像“接龍”一樣，江面全部封鎖脫。渡船垃江心氽發(fā)氽發(fā)，等仔半半日日。囡兒急得要哭，講學堂里搿搶整頓紀律，校長親自垃校門口捉遲到。船一靠岸，我翻身上車，一路撳鈴拼命踏，還是晚了。囡兒撥辣校長捉牢，一頓批評，終于哭出來，想想囡兒也蠻冤。輪渡公司倒也動足腦筋，上班過江高峰辰光，拿車渡當客渡用，拉過來撥上班族擺渡。老擺渡人習慣叫客渡“小擺渡”，叫車渡“大擺渡”?！按髷[渡”有一只籃球場大，上頭嘸沒頂棚，四面嘸沒遮攔，視野開闊，空氣也絕對流通。一船足足好裝三四百部腳踏車，黑壓壓一片。開起來勁道大沖勢足，賽過像登陸艇。我歡喜乘“大擺渡”，過江快，還好抬頭看看南浦大橋一段一段朝江心合龍個橋面，心里真望大橋早點造好。

　　交關(guān)老擺渡熟面孔一個一個勿看見了，想來儕是從橋浪向“飛”過去了。“大擺渡”也停航了，搿個大身坯海藍色個車渡船勿曉得開到啥地方去了。后頭來，南碼頭輪渡站改建，拿客渡碼頭搭仔車渡碼頭連起來，好同時停泊兩只渡船，就等于增開了一條對江輪渡線。輪渡站候船室里向掛一條“心系兩岸，爭創(chuàng)一流”標語，覺著邪氣溫暖。渡船一只接一只，工作人員操作協(xié)調(diào)，兩扇大門輪流開啟，安排乘客順利安全過江。擺渡個人再也勿為等船心里急煞，也勿會勿上勿下吊牢輪船，啥辰光到碼頭啥辰光乘船，篤定泰山。

　　現(xiàn)在，大橋、隧道、地鐵等貫通黃浦江兩岸，公共交通發(fā)展越來越快，過江難搿頁歷史也越來越遠了。