1975年我從農(nóng)場上調(diào)回上海辰光正好25歲，垃拉當(dāng)時已經(jīng)算是大齡女青年了。我爸爸托人搭我介紹了對象。談了一年多個戀愛，外灘情人墻也去過了。乃末阿拉商量定于1976年個國慶節(jié)，辣海阿拉屋里向舉辦弄堂婚禮。

　　因為男方親眷少，喜酒辣辣阿拉屋里向操辦。乃末請廚師、擬菜單、邀親朋好友儕是阿拉爺娘包辦了。不過好事多磨，搿年正好碰著毛主席逝世，追悼會嘸沒開個前頭，啥人也不敢辦喜事，乃末婚期改辣毛主席追悼會后個1976年10月28日。我記得老清爽，搿日大雨落得一天世界，爸爸講迭個叫“有財有勢（水）”。我搭男方屋里就差兩站路。要顯示女家對嫁女個重視，爸爸一定要男方開轎車來接我。我搿日著雙新皮鞋，是淌水走進(jìn)轎車個。我著個是特特為從南京路“朋街”買來個套裝，上身是全毛西裝領(lǐng)兩用衫，下身西裝褲。店家衣裳做工好，樣板也好！男方著個是藍(lán)卡中山裝，下身是深藍(lán)華達(dá)呢西裝褲。因為雙方屋里離得忒近，車子一發(fā)動就能到，乃末只好硬勁過形式，伊帶牢我繞牢八埭頭四周兜一圈再到伊拉屋里。拜了婆婆吃了紅棗桂圓湯，轎車再開回到阿拉屋里。當(dāng)時迭能兜一圈，車費(fèi)也只有2元5角。

　　雨終于垃拉夜快頭停了，迭個辰光阿拉整條小弄堂邪氣鬧猛，因為屋里地方小，大菜師傅基本浪拿廚房擺辣弄堂里了。弄堂個一只角搭起了雨棚，支起了大鑊子，點起了100支光個燈泡，大木腳桶里儕浸個汏好個物事，魚肉雞鴨儕是鄰舍幫忙個，隔壁鄰舍還拿鋼種鑊子鐵鍋子碗盆筷勺圓桌凳子統(tǒng)統(tǒng)借撥阿拉，忙得廚師一面勿停個斬啊殺啊切啊！一邊吆喝大家拿盆來拿碗來。菜是準(zhǔn)備了好幾天，只記得青魚養(yǎng)辣八仙桌臺底下，雞鴨鄉(xiāng)下帶來好幾只。大鑊子里飄著誘人個香味，走油蹄髈雞鴨辣辣里向勿停個篤。左右隔壁鄰居家儕擺好了一兩桌圓臺面，桌子浪擺了光明啤酒、七寶大曲跟黃酒，牡丹、大前門香煙。碗搭筷也整齊擺好，只等喜酒開始！人情世態(tài)辣辣弄堂迭個地方是再生動也嘸沒了。鄰舍之間勿分你我，儕成了一家門。我個爺娘只曉得勿停個忙，對伊拉來講，是悲喜交加。養(yǎng)了二十來年個囡兒終于長大成家了，勿舍得呀。喜酒開始，先十只冷盤上場，然后一道道熱菜陸續(xù)上桌，最后是四大菜全部上來，十冷盆六熱炒兩美點，一共6桌。氣氛達(dá)到高潮，嘸沒了先前個客套跟拘束，大聲猜拳喝酒，碰杯豪飲。新娘敬酒點煙，是高峰辰光。

　　迭能鬧猛個氣氛現(xiàn)在再也勿會有了，老早弄堂舊貌，只好憑記憶跟記載回憶。我還保留了當(dāng)時喜酒菜單，平均每桌成本28元。來吃喜酒個人送禮有送8元有送6元，記得我哥哥送得頂多，是20元。菜單浪炒豬肝豬心儕是上臺面?zhèn)€菜，油里炸個面包土司（好像沾上肉糜醬再炸）也算是熱菜，當(dāng)時如果辣飯店里辦喜酒好像搭迭個價鈿也差勿多吧。自家燒量大，比如炒鱔絲，每桌足足一斤。珍珍喜酒上個“炒鱔絲”，要曉得埃個辰光菜場里幾乎買勿到鱔絲，絕對是上檔次個菜。當(dāng)時阿拉八埭頭滬東菜場還買勿到，要到三角地菜場、寧海東路菜場、巨鹿路菜場迭能個大菜場再買得到。搿個樣樣憑票個年代，準(zhǔn)備喜酒小菜，絕對是要有眼本事噢！記得廚師是個胖胖個寧波老頭，講話聲音咣咣響。酒辦好后還要送廚師香煙、老酒、雞鴨咾啥。想想自家個戀愛與婚姻，嘸沒愛得死去活來，也嘸沒吵得勿可開交，就迭能平平淡淡一道走過來，共同經(jīng)歷了艱辛搭磨難，感受了幸福告快樂，現(xiàn)在阿拉做爺爺奶奶了，難道還勿夠“愛”伐？